მიკროავტობუსებში კონდიცირებასთან დაკავშირებული პრობლემის თაობაზე ინფორმაცია მივიღეთ მერიის ხელმძღვანელობისაგან. ქალაქ თბილისის მთავრობის 2010 წლის 22 ნოემბრის N31.02.1434  დადგენილებით  გამოცხადდა ქალაქის ადმინისტრაციულ საზღვრებში ადგილობრივი  საქალაქო რეგულარული სამგზავრო გადაყვანის ნებართვის მაძიებელთა კონკურსი. საკონკურსო პირობებში პრიორიტეტი ენიჭებოდა სალონში კონდიცირების სისტემის არსებობას, თუმცა პირობებში არ იყო მითითებული კონდიცირების სისტემის გამოყენების ვალდებულება.  ნებართვა გაცემულია 20 წლის ვადით.   ნებართვის   გადახედვის სამართლებრივი საფუძველი არ არსებობს   საზოგადოების ინტერესებიდან გამომდინარე ქ.თბილისის მერიის შესაბამის სამსახურებსა და კომპანიებს შორის შედგა კომუნიკაცია და კომპანიებმა  მისცეს პირობა, რომ მიკრო ავტობუსებში უზრუნველყოფილი იქნებოდა კონდიცირება. მერიის ხელმძღვანელობამ განმარტა, რომ კომპანიები და თავის მხრივ, ქ.თბილისის მერიის სამსახური, აწარმოებენ მონიტორინგს. კომპანიის მიერ დაწესებულია სანქციები კონდიცირების სისტემის გამოუყენებლობისათვის. არსებოს კომპანიის ცხელი ხაზი, სადაც უნდა მოხდეს დარღვევის დაფიქსირება:T 2 200341