საქართველოს ადმინისტრაციულ სამართალდარღვევათა კოდექსის 77-ე მუხლის მე-2 ნაწილის თანახმად, ატმოსფერულ ჰაერში მავნე ნივთიერებათა ზღვრულად დასაშვები გაფრქვევის ნორმების გადამეტება, ატმოსფერულ ჰაერზე მავნე ზემოქმედების დადგენილი ნორმების გადამეტება – გამოიწვევს დაჯარიმებას 500-დან 1 000 ლარამდე. ამავე კოდექსის 78-ე მუხლის პირველი ნაწილის თანახმად, აირმტვერდამჭერი მოწყობილობების ექსპლუატაციის წესების დარღვევა, – გამოიწვევს დაჯარიმებას ხუთასიდან ათას ლარამდე, ხოლო მე-2 ნაწილის მიხედვით, აირმტვერდამჭერი მოწყობილობების გამოუყენებლობა, – გამოიწვევს დაჯარიმებას ათასიდან ორი ათას ლარამდე.