Question To: Eka Beselia
მოგესალმებით ქალბატონო ეკა, გილოცავთ ახალ წელს!. მინდა ჩემ პრობლემაზე დაგელაპარაკოთ. ვარ მარტოხელა დედა, ფინანსური პრობლემების გამო გავყიდე ბინა და დარჩენილი თანხით აუქციონზე ვიყიდე სხვა. ყოფილი მეპატრონე გადასულია ამ ბინიდა და იქ ცხოვრობს მისი ნათესავი მეგობარ გოგოსთან ერთად. ბინაში ვერ შევდივარ იმიტომ, რომ არაფხიზელ მდგომარეობაში მხვდება და არ აპირებს ბინიდან გამოსვლას. მე და ჩემი 12 წლის შვილი ვცხოვრობთ დროებით ნათესავის ბინაში ,ავეჯი კი ნაქირავებ ავტოფარეხში მიწყვია. მივმართე გლდანი -ნაძალადევის მუხიანის პოლიციას, უბნის ინსპექტორს, პატრულს, მაგრამ უშედეგო. ძალიან გთხოვთ დამეხმაროთ, როგორ მოვიქცე არ ვიცი.
მოგესალმებით,\r\n \r\nთქვენს წერილთან დაკავშირებით, რომელშიც უთითებთ თქვენი საკუთრების უფლების დარღვევის ფაქტზე, გაცნობებთ, რომ ვინაიდან ქონება შეძენილი გაქვთ აუქციონზე, საკუთრების ხელყოფის აღკვეთის ღონისძიებები ხორციელდება ,,სააღსრულებო წარმოებათა შესახებ’’ საქართველოს შესაბამისად.\r\nამ კანონის მუხლი 84-ე მუხლის პირველი პუნქტის მიხედვით, სხვისი მფლობელობიდან ან/და სარგებლობიდან უძრავი ქონების გამოთხოვის საქმეზე, როდესაც აღსასრულებელი გადაწყვეტილება ითვალისწინებს უძრავი ქონების კრედიტორის მფლობელობაში და სარგებლობაში გადაცემას ან/და უძრავი ქონებიდან პირთა გამოსახლებას (გამოყვანას), უძრავი ქონების გამოთავისუფლებულ მდგომარეობაში კრედიტორისათვის გადაცემას უზრუნველყოფს აღსრულების ეროვნული ბიურო. ამ მიზნით, თქვენ, როგორც უძრავის ქონების აუქციონზე შემძენმა, სხვისი მფლობელობიდან და სარგებლობიდან უძრავი ნივთის გამოთხოვის შესახებ განცხადებით უნდა მიმართოთ აღსრულების ეროვნულ ბიუროს. განცხადებას უნდა დაურთოთ აღსრულების ეროვნული ბიუროს განკარგულება საკუთრების უფლების წარმოშობის შესახებ ან აღსრულების ეროვნული ბიუროს მიერ გაცემული თანაბარმნიშვნელოვანი დოკუმენტი და ქონებაზე საკუთრების უფლების დამადასტურებელი ამონაწერი საჯარო რეესტრიდან.