Question To: Eka Beselia
გამარჯობათ ქალბატონო ეკა, ჩემი მეუღლე მუშაობდა სასჯელაღსრულების დეპარტამენტის მეცხრე დაწესებულებაში ე. წ. მატროსოვის ციხეში სოციალური მუშაკის თანამდებობაზე. 2013 წლის 25 თებერვალს გარდაიცვალა სამსახურებრივი მოვალეობის შესრულების დროს.ჩემ მეუღლეს ჰქონდა 20 წლის მუშაობის სტაჟი და იყო ნამდვილად გამორჩეული თანამშრომელი თავისი პროფესიონალიზმით და ჰუმანურობით. მყავს ორი არასრულწლოვანი შვილი , ამჟამად ვიღებ მარჩენალ დაკარგულის პენსიას 100 ლარის ოდენობით ბავშვზე. როგორც სასჯელაღსრულების დეპარტამენტში მითხრეს არასრულწლოვანი ბავშვებისთვის პენსიის რაოდენობა შედგენს 75 ლარს და რა თქმა უნდა მე ვარჩიე ისევ მარჩენალ დაკარგულის პენსიის აღება. თქვენც კარგად მოგეხსენებათ რა რთული სამუშაო აქვთ სასჯელაღსრულების სისტემის თანამშრომლებს და ვფიქრობ, რომ სამსახურებრივი მოვალეობის შესრულების დროს გარდაცვლილი თანამშრომლის არასრულწლოვან შვილებს დაენიშნოთ შედარებით მეტი პენსია, ვიდრე 75 ლარი. ქალბატონო ეკა, უმორჩილესად გთხოვთ იქნებ ეს საკითხიც განიხილოთ.
მოგესალმებით, თქვენი წერილის პასუხად, რომლითაც უკმაყოფილებას გამოხატავთ ,,სახელმწიფო კომპენსაციისა და სახელმწიფო აკადემიური სტიპენდიის შესახებ’’ საქართველოს კანონის მე-19 მუხლის მე-4 მუხლის მიხედვით,სამსახურებრივი უფლებამოსილების პერიოდში პატიმრობისა და თავისუფლების აღკვეთის აღსრულების სისტემის ორგანოში მომუშავე სახელმწიფო სპეციალური ან სამხედრო წოდების მქონე პირის გარდაცვალების შემთხვევაში, გარდაცვლილის შვილებისთვის (18 წლის ასაკის მიღწევამდე) დანიშნული საკომპენსაციო თანხის ოდენობის სიმცირის გამო, გაცნობებთ, რომ საქართველოს მთავრობა მუშაობს საპენსიო რეფორმის კონცეფციაზე, რომლის ფარგლებშიც განხილული იქნება პენსიებთან, საკომპენსაციო გასაცემელთან დაკავშირებული ყველა საკითხი.